Við bjóðum nýja nemendur og foreldra þeirra velkomna á Klambra

Að byrja í leikskóla er ný reynsla fyrir barnið og foreldra þess. Allt er framandi og ókunnugt og því er mikilvægt að standa vel að aðlögun í upphafi. Hvernig til tekst í byrjun getur haft áhrif á alla leikskólagöngu barnsins. Áður en dvöl í leikskóla hefst er gert ráð fyrir aðlögunartíma þar sem foreldrar fylgja barninu fyrstu skrefin í nýju umhverfi.

Hér er að finna upplýsingar um starfsemi Leikskóla Reykjavíkur á ýmsum tungumálum/ Here you can find information about preschools in Reykjavík in foreign language

Aðlögun nýrra barna

Miðað við 1 til 3ja ára börn í 8-9 tíma vistun

Haustið 2010 ákvaðu Klambrar að prófa nýtt form aðlögunar þ.e. þátttökuaðlögun. Þetta aðlögunarform felur í sér að foreldri er með barninu sínu samfellt fyrstu þrjá dagana í leikskólanum þ.e. frá kl:9:00-15:00. Foreldri sinnir sínu barni og tekur fullan þátt í starfi deildarinnar. Hér má lesa nánar um þátttökuaðlögun.

Það er mikilvægt að börnin séu í þægilegum fötum sem þola málningaslettur, hefta

ekki hreyfingar þeirra og þau eiga auðvelt með að æfa sig að klæða sig úr og í.

Leikskólinn tekur ekki ábyrgð á fatnaði barnanna. Börnin verða að hafa með sér

aukaföt og allt verður að vera vel merkt.
 

Undir liðnum "Upplýsingar" (spurningarmerkin hér að ofan) má finna nánari upplýsingar um hvað sé æskilegt að hafa í leikskólatöskunni. Þar getur fólk fengið frekari upplýsingar um opnunartíma, sumarfrí, leikskólatöskuna, afmæli, veikindi og. fl.